Валандово 11°
Редакција: Валандово.мкИспрати тема

Мени на Валандово.мк

Редакција:Валандово.мкЛокални вести и информации
Испрати тема

Љилијана Нанова – првата жена директорка на Домот на културата „25-ти мај“ – Валандово

Љилијана Нанова од вчера официјално е новата в.д. директорка на Домот на културата „25-ти мај“ – Валандово, а воедно и прва жена на оваа функција. Таа го замени досегашниот директор Јован Коцевски.

За новата работна позиција Нанова вели дека сѐ уште е рано да се каже како ќе се одвиваат работите и што е она на што ќе се работи, но, секако ќе продолжи реализацијата на веќе почнатите активности, тековните и секако традиционалните настани, како литературни и ликовни конкурси, манифестацијата „6-ти Ноември” и слично.

За нејзината визија за работата вели дека ќе ја оствари само со заедничко работење на вработените во Домот и дека само така можат да се остварат замислените цели.

Претходниот директор ѝ честиташе на својата колешка и воедно ѝ посака многу успех.

Инаку Нанова повеќе од 20 години работеше како библиотекарка во Домот на културата, а претходно и во Радио Валандово околу 10 години. Таа додаде дека напоредно ќе работи и во библиотеката се додека не се вработи нов на нејзиното место, или додека некој не ја замени.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.