Валандово 11°
Редакција: Валандово.мкИспрати тема

Мени на Валандово.мк

Редакција:Валандово.мкЛокални вести и информации
Испрати тема

Заврши традиционалниот турнир во мал фудбал „Јосифовско Лето 2018“

Синоќа во Јосифово заврши традиционалниот турнир во мал фудбал „Јосифовско Лето 2018“. Во финалната вечер играа јуниорските екипи „Такси Хит Гевгелија“ – „Интеркомерц“ – Гевгелија со резултат 4:1, женски фудбал ЖФК „Прилеп“ – ЖФК „Тиверија“ – Струмица, со резултат 0:1. Малото финале се одигра помеѓу екипите на „Тргошпед транс“ – Велес и “Стара Фурна“ – Прилеп, која заврши со резултат 9:7, односно паричната награда за четврто место, во износ од 20.000 денари отиде во рацете на екипата „Стара Фурна“ – Прилеп, додека, наградата за трето место во вредност од 40.000 денари, кај „Тргошпед транс“ – Велес.

Големото финале се одигра помеѓу екипите на „Црна Река“ – Возарци и „Алупласт Васил“ – Јосифово, со резултат 0:3. На годинашното финале победата ја однесе екипата на „Алупласт Васил“ – Јосифово, која го освои големиот пехар и парична награда во износ од 120.000 денари, додека пак, второпласираните „Црна Река“ – Возарци се закитија со пехар и парична награда од 80.000 денари.

За најдобри поединци на „Јосифовско лето 2018“ беа избрани: најдобар голман Сашко Паунов од „Алупласт Васил“ – Јосифово; Најдобар стрелец Слободан Митков од „Алупласт Васил“ – Јосифово и најдобар фудбалер Мартин Мехмединовиќ од „Црна Река“ – Возарци. Како и секоја година, доделувањето на наградите на „Јосифовско Лето 2018“ беше вистински спектакл.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.