Од извори блиски до Општината, неофицијално дознаваме дека годишниот добитник на највисокото Општинско признание ќе биде основоположникот на македонскиот графички дизајн, Костадин Танчев – Динка.
На седницата на Советот на Општина Валандово, која е закажана за утре, треба да се потврди ваквата одлука.
Костадин Танчев, родум од Валандово. Дипломирал на Белградската Академија за применета уметност во 1967-ма година. Од 84-та до 2006-та година, Костадин бил професор на Факултетот за ликовна уметност при Универзитетот „Св. Кирил и Методиј“ во Скопје, каде предавал Графички дизајн.
По враќањето од Белград го основал студиото за дизајн при Културно-информативниот центар во Скопје, од каде и почнува да се шири неговата фино изострена естетика преку препознатливиот графички израз.
Како добитник на бројни награди и признанија, што домашни, но и меѓународни, несомнено е еден од култните неколкумина со валандовски корени.
Делата на Динка се во нашето секојдневно опкружување. Најверојатно несвесно, со дел од нив се среќаваме секојдневно.







Коментари (0)
Коментарите за оваа објава се затворени.