Валандово 11°
Редакција: Валандово.мкИспрати тема

Мени на Валандово.мк

Редакција:Валандово.мкЛокални вести и информации
Испрати тема

Спасовски најави подобрување на условите на полициските службеници во Валандово

Министерот за внатрешни работи Оливер Спасовски на својот фејсбук профил најави подобрување на условите на полициските службеници во текот на 2019-та година, во 8 полициски станици, меѓу кои и Валандово.

Тој во своето обраќање на централниот совет на Македонскиот полициски синдикат што се одржува во Охрид истакна дека подобрувањето на статусот и условите на работа, сфатени и како загарантирани права на полициските службеници, се заеднички интерес на МВР и Македонскиот Полициски Синдикат, бидејќи, само задоволен полициски службеник е ефикасен и професионален полициски службеник.

Оттаму, реализираните активности за набавка на униформи за полициските службеници, проектот за санација и реконструкција на објектите во кои што тие работат и ги извршуваат своите работни задачи, зголемувањето на платите на униформираните полициски службеници треба да ги донесат до посакуваната цел – професионална, функционална и ефикасна полиција како сервис на граѓаните.

За наредната 2019-та година предвидени се нови 70 милиони денари за реновирање на полициските станици, а за набавка на нови униформи околу 200 милиони денари. Во новата година предвидено е и зголемување на платите за пет проценти.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.