Валандово 11°
Редакција: Валандово.мкИспрати тема

Мени на Валандово.мк

Редакција:Валандово.мкЛокални вести и информации
Испрати тема

Во Домот на култура „25-ти мај“ – Валандово одбележан Светскиот ден на поезијата

Со излагањата за љубовните картички на Коста Солев-Рацин и за животот и делото на поетесата Даница Ручигај, вечерва во Домот на култура „25-ти мај“ – Валандово беше одбележан 21-ви март – Светскиот ден на поезијата.

Излагањето на проф. Елена Остреска за платонската љубов која Рацин ја чувствувал кон Раца и картичките кои ѝ ги испраќал за да ѝ ја искаже љубовта која ја чувствува, допре до срцата на сите присутни. Остреска зборуваше за тоа како Рахилка Фирфова ја доживувала љубовта на Рацин и како, иако никогаш не прозбореле ниту збор, останала засекогаш запаметена како музата на овој поет.

Овој ден беше одбележан и со излагање на проф. Дијана Петрова за животот и творештвото на првата македонска поетеса Даница Ручигај, која во својот краток животен век објавила една стихозбирка а втората нејзина стихозбирка е објавена по нејзината смрт. Со својата контроверзна поезија таа започнала едно ново време за Македонската поетска книжевност.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.