Валандово 11°
Редакција: Валандово.мкИспрати тема

Мени на Валандово.мк

Редакција:Валандово.мкЛокални вести и информации
Испрати тема

Во СОУ „Гоце Делчев“ – Валандово се одржа трибина за штетните последици од наркотичните средства

Во СОУ „Гоце Делчев“ – Валандово се одржа трибина за борба против тутун, алкохол и наркоманија –  дел од ноември – месецот на одбележување на борбата против овие штетни наркотични средства и нивните последици по човековото здравје.

Трибината е во организација на ОО „Црвен Крст“ – Валандово, МВР – Валандово и СОУ „Гоце Делчев“ – Валандово. На средношколците им беа презентирани штетните влијанија на тутунот, алкохолот и дрогата и последиците по здравјето на човекот.

Презентер на трибината беше д-р Митко Кортов кој од здравствен аспект им го објасни штетното влијание на учениците. Исто така, присутни беа и претставници од Полициската станица од Валандово.

Ваквата трибина годинава за првпат се одржува во средното училиште и според Алекса Димов – Секретар во ОО „Црвен Крст“ – Валандово, во план е да се одржи и презентација за борба против трговија со луѓе. Целта на ваквите трибини е да се подигне свеста кај младите за штетните влијанија на наркотичните средства, кои доведуваат до сериозни нарушувања на нивното здравје.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.