Според истражувањето кое го спроведе Центарот за граѓански комуникации, Општина Валандово поседува скромен возен парк кој го сочинуваат три патнички возила.
Најскапото возило со кое управува Општината е „Шкода – Јети“ од 2010 година, со вредност од 927.000 денари. Покрај „Јети“-то, на општинскиот паркинг е и десетгодишното „Форд Мондео“, купено 470.000 денари, а на располагање на административците им стои и „Југо – Корал“ од 1996 година, набавено 2005 година по цена од 150.000 денари.
Според истражувањето, најскапо возило во југоисточна Македонија поседува Општина Ново Село, т.е. „Цитроен – Ц5“, купено 2013 година по цена од 1.813.526 денари.
Најстарото возило од соседните општини е во функција на вработените во Општина Богданци, а станува збор за 31-годишен „Мерцедес Бенз – 300 Д“.