Малку е да се каже дека пред нас се најтешките денови од почетокот на пандемијата со Ковид-19 во општина Валандово. Амбулантските ординации крцаат. Единствениот рендген апарат работи непрекинато. Страв во погледот на лекарите кои стојат во првите редови на немилосрдниот удар на пандемијата со Ковид-19 што се одвува во минутите кога го пишуваме текстот. А причините повеќе од јасни. Невниманието на граѓаните се враќа како стравично сценарио од филм на Роналд Емерих.
Општина Валандово урива неславни рекорди по бројот на новозаразени од Ковид-19. Според денешната статистика на Министерството за здравство, една од најмалите општина се искачи на 6-тата позиција во државата, со 44 новозаразени, влегувајќи од претходното деноноќие во кое беше забележан само еден случај. Бројката е застрашувачка, но она што загрижува повеќе е што лекарите сметаат дека процентот на заразени кои не се тестирани е и до 400% поголем.
Во последните 24 часа направени се 7.724 тестови, а регистрирани се 1.964 нови случаи на КОВИД-19:
• Скопје – 1070
• Битола – 226
• Прилеп – 122
• Куманово – 52
• Охрид – 51
• Валандово – 44
• Радовиш – 35
• Велес – 32
• Гевгелија – 31
• Кавадарци – 29
• Тетово и Кочани по – 22
• Гостивар и Крушево по – 21
• Струга и Струмица по – 20
• Кичево и Крива Паланка по – 17
• Ресен и Богданци по – 13
• Штип, Неготино и Делчево по – 12
• Свети Николе – 10
• Кратово – 9
• Демир Хисар – 8
• Берово, Пробиштип, Македонски Брод и Пехчево по – 4
• Дебар, Виница и Македонска Каменица по – 2, Демир Капија – 1
Поради технички проблем во системот Мој Термин во текот на денешниот ден не беа евидентирани оздравени лица. Оздравените лица од денешниот ден ќе бидат прикажани во утрешната информација.
Во текот на изминатите 24 часа регистрирани се 7 починати лица: 2 починати лица од Скопје (82г и 87г), 2 починати лица од Прилеп (74г и 86г) и по едно починато лице од Ресен (67г), Струга (71г) и Крива Паланка (39г). Пријавените лица се починати во болнички услови.
Согласно Регистарот на умрени лица со дијагноза КОВИД-19 од Мој Термин, пријавени
се 6 лица, 2 починати лица од Гевгелија (66г и 78г) и по едно починато лице од Скопје (71г), Битола (78г), Делчево (70г) и Кавадарци (76г), починати во период од 30.12.2021-08.01.2022г. Починатите се на возраст од 66 години до 78 години. Од пријавените 3 лица се починати во болнички услови и 3 во домашни услови.
Досега во земјата се направени вкупно 1.672.767 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 236.241, бројот на оздравени пациенти е 215.853, на починати е 8.055, а бројот на активни случаи изнесува 12.333