Швајцарската амбасадорка, Н.Е. Сибил Зутер Техада, заедно со градоначалникот на општина Валандово, Перо Костадинов и претседателот на Совет, Владимир Марков го посети СОУ “Гоце Делчев” Валандово, кое е едно од трите училишта во кои претходниот период беше инсталирана нова компјутерска опрема со која целосно се опремија нови училници по информатичка технологија
Опремувањето на новите училници е проект за чија реализација се одлучи на граѓански форуми организирани во општина Валандово. Со гласање на форумите, учесниците, го избраа проектот “ИКТ лабораторија со соодветна хардверска и софтверска опрема и училишен медиум” да се имплементира во општината, а истиот ги опфаќаше трите општински училишта.
За реализација на овој проект, беше предвиден фонд од 50.000 швајцарски франци, обезбедени од Швајцарската агенција за развој и соработка, а имплементирани од УНДП.