Денес, во 19.30 часот, во паркот „Пеонија” во Валандово, граѓанската иницијатива „Спас за Валандово” организира прослава по повод затворањето на рудникот во Казандол.
На настанот ќе бидат поделени и плакети за особен придонес, во, како што тие ја нарекуваа, борбата против рудниците на смртта.
„Спас за Валандово” е неформална граѓанска иницијатива, која изминатиот период беше најгласен поборник за затворање на Рударскиот комплекс „Казандол”.
Денешната прослава е одговор на Одлуката на Владата за еднострано раскинување на договорот за концесија за експлоатација на руда во локалитетот Казандол, со компанијата Сардич МЦ.