Денес, по повод Денот на пожарникарите, беше одржана вежба од страна на припадниците на ТППЕ Валандово.
Пожарникарите ја изведоа показно-тактичката вежба за спасување на настрадани лица по тешка сообраќајна несреќа, со цел да се види види нивната подготвеност во случај на извлекување на лица заглавени во возило.
На вежбата присуствуваа градоначалникот на општина Валандово, Перо Костадинов, претседателот на Советот на општина Валандово, Владимир Марков, како и ученици од општинските училишта и дечињата од детската градинка.