Денеска во фестивалската сала „Јанко Узунов“ во Валандово се одржа свечена приредба за првачињата од општината. На приредбата учествуваа децата од повисоките одделенија, кои со игра и песна има посакаа успешен почеток и добредојде на првачињата во прво одделение.
На свечената приредба присуствуваа сите ученици од основните училишта од општина Валандово заедно со нивните учители и учителки, како и нивните родители. Присутен беше и градоначалникот на општината Перо Костадинов, кој на првачињата им посака успешно да зачекорат во училишните води.
Сите првачиња добија подароци за успешен почеток на годината, а по завршувањето на свечената приредба, тие заедно со нивните родители беа поканети во училиштата.
