Почина Леонид Манчев – човекот кој својот живот го посвети на музиката и уметноста, како и развивањето на културата во општина Валандово. Тој беше истакнат општествено-политички работник и функционер во градењето и афирмацијата на општина Валандово во земјава и во странство.
Роден е во 1944-та година во Валандово. Бил наставник по музика во ЦОУ „Страшо Пинџур“ – Јосифово, наставник и директор во УЦСО „Гоце Делчев“ – Валандово. Потоа и директор на Домот на културата „25-ти мај“ – Валандово во период од 19 години. Манчев беше творец, организатор и директор на фестивалот на новосоздадени македонски песни „Фолк Фест“, во периодот од 1985-та до 1999-та година.
Од 1973-та до денес тој беше и уметнички директор на ансамблот „Распеани Валандовчани“. Неговиот живот и дело ќе останат засекогаш запаметени.