Основното општинско училиште „Јосип Броз Тито“ од Валандово планира да инсталира нови безбедносни системи за видео надзор, како во градското, така и во подрачните училишта.
За оваа намена распишан е оглас за прибирање на понуди за најповолен изведувач на набавката.
Како што е наведено во огласот, во училиштето во Валандово треба да биде инсталиран систем до 16 ХД камери кој ќе го замени досегашниот со 8. Замена на системот со нов ќе има и во училиштето во Пирава каде истотака ќе биде дуплиран бројот на безбедносни камери.
Во училиштата во Брајковци, Дедели и Казандол ќе бидат инсталирани нови системи со по 4 камери, додека старите системи од Валандово и Пирава ќе бидат демонтирани и инсталирани во училиштата во Чалакли односно Башибос.