Вакцинацијата против сезонски грип оваа година за првпат ќе оди преку вакциналните пунктови во здравствените домови, наместо преку центрите за јавно здравје.
Во Валандово вакцинацијата ќе започне од четврток 12.10.2020.
За валандовчани со првата дистрибуција се обезбедени 70 дози од вакцината против сезонски грип.
,,Граѓаните кои спаѓаат во категории на лица со над 65 години, лица со хронични заболувања, бремени жени, здравствени работници и деца до 5 годишна возраст може да закажат термин за бесплатно вакцинирање преку матичен лекар.” вели Роберр Марков – директор на Здравствен дом – Валандово.
Сите оние кои не спаѓаат во овие 5 категории на граѓани, а сакаат да се вакцинират треба да се јават во центрите за јавно здравје, бидејќи комерцијалната вакцинација ќе ја спроведуваат ЦЗЈ.