Денес, 19-ти октомври 2019., на базенот во Валандово се одржа 20-тата по ред „Ракијада”.
Традиционалната манифестација покрај печењето ракија на присутните им ги покажа и најдобрите автохтони валандовски продукти.
Покрај натпреварувачкиот и промотивниот дел, гостите уживаа и во музичката програма за која годинава беше задолжена повеќекратната победничка на Фолк Фест „Валандово”, Благица Калева.
Настанот со свој говор го отвори градоначалникот Перо Костадинов, а присутен беше и министерот за земјоделство Трајан Димковски и пратеничката Мери Лазарова.
Наградата за најдобра ракија годинава ја понесе Васил Пиндеров од Пирава.