Синоќа, околу еден час по полноќ, во Полициската станица за Граничен премин и Граничен надзор Стар Дојран, на излез од Република Македонија, поради постоење на основано сомнение за сторено кривично дело, бил приведен 32-годишниот Р.А. oд Република Србија кој управувал со товарно моторно возило со валандовски регистарски таблици.
Царинарниците, по извршената рутинска контрола над товарно моторно возило „Мерцедес“, со приклучно возило марка „Динкел“ со српски национални ознаки констатирале дека Вин бројот втиснат на шасијата не бил истиот кој бил запишан во сообраќајната дозвола.