По повод 12. Мај – Денот на медицинските сестри, Градоначалникот на о. Валандово и директорот на ЈЗУ Здравствен дом – Валандово, Роберт Марков ги посетија здравствените ординации во Валандово, при што на медицинските сестри и го честитаа меѓународниот празник и им се заблагодарија за преданата и пожртвувана работа.
Во име на граѓаните на општина Валандово на медицинските сестри од општината им беа врачени благодарници во форма на плакета за особен придонес при справувањето со епидемијата со Ковид-19 во општина Валандово и грижата кон граѓаните и нивното здравје.
„Медицинските сестри ја заслужуваат нашата благодарност за сета пожртвуваност и професионалност при вршење на сопствената служба и се за пример во заедницата. Нека им е честит Денот на медицинските сестри и нека ги служи добро здравје.” изјави градоначалникот Костадинов.