Костадин Танчев – Динка, родум од Валандово, еден од основоположниците и предводници на македонскиот графички дизајн. Дипломирал на Белградската Академија за применета уметност во 1967-ма година. Од 84-та до 2006-та година, Костадин бил професор на Факултетот за ликовна уметност при Универзитетот „Св. Кирил и Методиј“ во Скопје, каде предавал Графички дизајн.
По враќањето од Белград го основал студиото за дизајн при Културно-информативниот центар во Скопје, од каде и почнува да се шири неговата фино изострена естетика преку препознатливиот графички израз.
Како добитник на бројни награди и признанија, што домашни, но и меѓународни, несомнено е еден од култните неколкумина со валандовски корени.
Делата на Динка се во нашето секојдневно опкружување. Најверојатно несвесно, со дел од нив се среќаваме секојдневно.
