Општина Валандово ќе го уредува делот на раскрсницата помеѓу Булевар „Првомајска“ и улица „Моша Пијаде“ во Валандово, кај телефонската говорница.
На локацијата ќе биде отстранета бетонската и металната ограда, а ќе бидe поставенa автобуска постојка, како и изградени скали кои ќе продолжуваат со пешачка патека по чија должина ќе биде поставена и урбана опрема, како шест клупи, четири корпи за отпадоци и слично.
Покрај тоа ќе бидат поставени и десет паноа за слики со димензии од 100 на 200cm кои ќе бидат осветлени со рефлектори.
За овој зафат Општината планира да потроши 375.000 денари од буџетот.