Денес (10.12.2018 г., понеделник) градоначалникот на општина Валандово, Перо Костадинов во просториите на општина Валандово одржа работен состанок со претставници на развојната KFW банка на Сојузна Република Германија, претставници на министерството за земјоделие и претставници на ЕИП.
На работниот состанок се разговараше за потребата од брзо имплементирање на втората фаза од проектот „Јужновардарска долина“, како и за потребата за реализирање на трета фаза од проектот која би го опфатила земјоделското земјиште во атарот на Валандово, Раброво, Собри и Чалакли.
Третата фаза на проектот би се реализирала веднаш по завршувањето на втората, чија реализација започнува од почетокот на наредната година. Проектот се финансира со средства на Владата на Сојузна Република Германија, преку развојната германска банка „KFW“, и со средства од Владата на Република Македонија.