Противпожарната единица од Валандово, како и тие од Гевгелија, Дојран и Струмица, денес присуствуваа во Дојран на обуката за нови методи на пристап при пожари и поплави.
Обуката беше спроведена од Дирекцијата за заштита и спасување, а вежбата е дел од планот на континуирана обука на координираност на тимови и претставници од повеќе институции при гаснење шумски пожари и поплави. Директорот смета дека на тој начин ќе се воспостави систем на цивилна заштита на граѓаните.