Денес заменик министерот за образование и наука – Петар Атанасов беше во посета на општина Валандово, каде во просториите на општината одржа работен состанок со градоначалникот на општина Валандово – Перо Костадинов.
Целта на средбата беше запознавање на заменик министерот Атанасов со состојбите во општината од сферата на образованието, мапирање на општинските образовни предизвици, потенцирање на проблемите, како и пронаоѓање начин за решавање на истите.