Не стивнува преписката помеѓу градоначалникот Перо Костадинов и претседателот на ОК на ВМРО-ДПМНЕ од Валандово.
По жестоката реакција на Бошков од ВМРО-ДПМНЕ, на најавите за менување на ликот на централното градско подрачје во Валандово на нетранспарентен начин, без да се побара мислење од граѓаните, градоначалникот Костадинов напиша:
„Другари, вие рудник отворивте во Валандово без да ги прашате граѓаните. А за тоа, како ќе изгледа централното градско подрачје одлучува и ќе одлучува, младата и стручна фела на архитекти од Валандово, како што и личи. И секој еден граѓанин! Така да, без патетика. Валандово ќе биде најубаво.”
Општина Валандово, од денес започнува постапка за уредување на улица „Моша Пијаде” и централното градско подрачје.
Уредувањето во себе ќе опфаќа реконструкција и реставрација на фасадите на објектите, целосно партерно преуредување и проширување на плоштадот, решавање на проблемот со паркирањето, ново осветлување, хортикултурно уредување и нови зелени површини.