Победата на СДСМ ја потврдува исправноста на политиките кои ги спроведуваме на локално и државно ниво вели Петар Зајков по вчерашните избори

Валандово / 17:07

По вчерашниот изборен циклус партиите имаа доволно време да ги сублимираат своите впечатпци и да ги анализираат силните и слабите страни на своите кампањи.

Во Валандово, Коалицијата „Можеме” предводена од СДСМ беше поуспешна од своите политички ривали и прогласи победа само неколку часа по затворањето на изборачките места.

На чело на валандовскиот огранок на најголемата партија од мандатарската коалиција е младиот Петар Зајков.

Петар го прашавме за свое видување на вчерашните Предвремени парламентарни избори.

“Зад нас, е еден од најважните изборни процеси досега, организиран на специфичен начин поради епидемијата од коронавирус и пропратен со нови правила на игра. Во нашата општина, граѓаните имаа можност слободно и самостојно да бираат помеѓу понудените политички опции и повеќето од нив го искористија тоа право.

Како претседател на СДСМ – Валандово, особено сум горд на стекнатата доверба од граѓаните и сакам да изразам благодарност до секој еден граѓанин кој го искористи своето право на глас. Изборите се важна демократска алатка во заедницата и суштествен елемент за градење општество на напредок и соработка.

Победата на СДСМ во општина Валандово ја потврдува исправноста на политиките кои ги спроведуваме на локално и државно ниво, и не охрабрува да продолжиме по тој пат похрабро и попосветено.

Од денес, фокусот е на новите цели, интеграциите и подобрата благосостојба за граѓаните. Ќе се посветиме секому. Нема да отфрлиме никого. Сите заедно ќе се обединеме, во име на сопствената општина и заедничката држава.“


⚠ Преземањето авторски текстови и фотографии е дозволено единствено доколку се почитуваат принципите за фер користење на содржина или со претходна дозвола од медиумот.

Valandovo.mk е дел од 034 Медија Груп. Покрај Valandovo.mk групацијата е издавач и на онлајн медиумите Vesti.sr, 24Gevgelija.mk, Bogdanci.mk, 24Dojran.mk и Radovis.mk.

Коментари

Login

Добредојдове! Логирајте се на вашата сметка

Запомни ме Заборавена лозинка?

Lost Password