Денес во просториите на ООУ „Страшо Пинџур” – Јосифово од страна на заменик министерот за образование и наука, Петар Атанасов и градоначалникот на општина Валандово, Перо Костадинов со пригодна приредба на креативни творби од учениците, беше свечено отворена новата спортската сала во ова општинското основно училиште.
Со новата спортска сала, учениците од ООУ „Страшо Пинџур” – Јосифово добиваат соодветен објект за изведување на наставата по физичко образование и идеален простор за спорт и рекреација. Добиваат нов простор за подобар физички и ментален развој, како и исполнети предуслови за спортски натпревар во секој период од годината.
