Заврши изградбата на повеќенаменското игралиште во населеното место Калково. Во наредниот период следува уредување на просторот околу игралиштето, како и комплетно урбано средување на централниот дел од ова населено место.
Инаку дел од средствата беа обезбедени од општинскиот буџет, а поголемиот дел во износ од 1.536.520 денари, од страна на Владата на Р.Македонија, по претходно распишаниот јавен повик од страна на Бирото за регионален развој, за прибирање предлог проекти за развој на подрачјата со специфични развојни потреби.
Градоначалникот Перо Костадинов договорот го потпиша заедно со директорот на Бирото за регионален развој – Рамиз Реџепи.
Со реализирањето на овој проект се создадоа услови за спорт и рекреација, но и поттик да се развие спортскиот потенцијал кај младите од ова населено место.
