Отруени се неколку кучиња скитници во градските населби „Албанска маала“ и „Мечкин даб“ во Валандово. Жителите на овие улици го пријавиле случајот во полиција, по што од полицијата интервенирале со помош на ЈП „Комунален сервис“ – Валандово, за да се соберат мртвите кучиња.
На територијата на овие населби била расфрлена храна со отров. На ова, граѓаните на социјалните мрежи остро реагираа, велејќи дека покрај нив, настрадале и неколку мачки, но и домашни миленици и дека ова е крајно нехуман пристап кон животните.
Претходно, во интервју за Валандово.мк градоначалникот на општината – Перо Костадинов изјави дека договорот за изградба на стационари во Гевгелија и Струмица со Центарот за развој на Југоисточниот регион е веќе потпишан и треба да започнат тендерските постапки.
Костадинов истакна дека проблемот треба да се решава соодветно и кон кучињата да се постапува на хуман начин и дека се надева од наредната година истите да профункционираат.