На 29.05.2019-та година (среда) со почеток од 19 часот, во просториите на Домот на култура „25-ти мај“ – Валандово, СОУ „Гоце Делчев“ ќе промовира филм за вредностите на училиштето – Дом. Визија. Иднина.
Филмот е дело на ученици под менторство на прфесорката по македонски јазик и литература – Елизабета Чилевска-Пандева, со цел вкрстување на искуства на поранешни и сегашни ученици, како и промоција на позитивната училишна клима. Идејата за филмот произлегла од желбата да се научи нешто повеќе, односно учениците да се стават во улога на глумци, на новинари преку интервју, но и за вежбање на дикцијата – вели Чилевска-Пандева.
Од училиштето упатуваат отворена покана до сите ученици – поранешни, идни, сегашни, наставници, родители, пензионери и граѓани на општина Валандово.