Пепита Маринкова од Валандово учествуваше во најголемото балканско талент шоу „Ѕвездите на Гранд”

Валандово / 06:45

Талентираната валандовчанка, Пепита Маринкова, учествуваше во најголемото балканско музичко талент шоу „Ѕвездите на Гранд”.

Пепита пред шестчленото жири и милионскиот аудиториум се претстави со песните „Загрли” од Гоца Тржан и „Ја за љубав нечу молити” од Нина Бадриќ.

За жал Пепита натпреварувањето го заврши во првиот круг, а единствена причина поради која не доби ментор, жирито и ја препиша на недоволната енергија на настапот.

Гостинскиот седми член на жирито, Неда Украден, застана во одбрана на Пепита при нападот на Јелена Карлеуша и рече дека енергијата се добива со искуството, а во моментот кандидатката е под голем притисок.

Таа додаде дека и е жал што валандовчанката го напушти шоуто и непотребно беше жестоко критикувана од дел од жирито, а е музикална и може многу повеќе.

Пепита на публиката од регионот и е позната по настапите со својот „Астра Бенд”, со кој настапуваат на претфестивалските активности на „Фолк фест Валандово”, како и на фестивалот „Јосифово Самр Фест”.


⚠ Преземањето авторски текстови и фотографии е дозволено единствено доколку се почитуваат принципите за фер користење на содржина или со претходна дозвола од медиумот.

Valandovo.mk е дел од 034 Медија Груп. Покрај Valandovo.mk групацијата е издавач и на онлајн медиумите Vesti.sr, 24Gevgelija.mk, Bogdanci.mk, 24Dojran.mk и Radovis.mk.

Коментари

Login

Добредојдове! Логирајте се на вашата сметка

Запомни ме Заборавена лозинка?

Lost Password