72 лица од општина Валандово се во самоизолација: Градоначалникот апелира на одговорност

Валандово / 16:06

До овој момент, според податоците на Министерството за здравство на територијата на општина Валандово нема ниту едно лице заболено од COVID-19, а 72 лица се во самоизолација.

Градоначалникот Костадинов денес ги потсети граѓаните на препораките за заштита од коронавирусот и апелираше на одговорност од сите граѓани на општината.

„Во овие моменти апелирам сите граѓани на општина Валандово доследно да ги следат и почитуваат препораките на Министерството за здравство и одлуките на Владата. При појава на зголемена телесна температура, кашлица и тешкотии при дишењето, навремено да се побара медицинска помош – преку телефонски повик (072/235-543). Да не се прави групирање на граѓани во поголем број на сите јавно-прометни површини во градот и општината. Граѓаните да не се групираат во домашни услови, да ги откажат куќните слави и да не создаваат залихи од прехрамбени производи и средства, бидејќи снабдувањето со храна и основни продукти во општината е редовно и достапно за сите.“ додаде Костадинов во своето излагање.

Граѓаните, оние повратници од странство кои нема да ги почитуваат препораките од Министерството за здравство и Владата, можат да ги пријават на бројот на МВР 192.


⚠ Преземањето авторски текстови и фотографии е дозволено единствено доколку се почитуваат принципите за фер користење на содржина или со претходна дозвола од медиумот.

Valandovo.mk е дел од 034 Медија Груп. Покрај Valandovo.mk групацијата е издавач и на онлајн медиумите Vesti.sr, 24Gevgelija.mk, Bogdanci.mk, 24Dojran.mk и Radovis.mk.

Коментари

Login

Добредојдове! Логирајте се на вашата сметка

Запомни ме Заборавена лозинка?

Lost Password