Почнаа подготовките за меѓународниот фестивал „Пролетни веселби“

Почнаа подготовките за фестивалот „Пролетни веселби“ откако делегација од Здружението  и делегацискиот одбор на фестивалот, оствари работна посета во Анкара, Турција.

Претседателот и потпретседателот на Здружението – Шенол Тахир и Сељами Тахир, минатата недела одржале повеќе работни средби со претставници од државни институции и здруженија, за претстојното 28-мо издание на овој фестивал, кој од 3-ти до 6-ти мај годинава, освен во Чалакли, ќе се одржува и во Гостивар и Струмица, а културни настани ќе има и во Валандово и Башибос.

На фестивалот планирани се повеќе настани за посетителите, како и гостување на културно-уметнички друштва од Балканот.

Фестивалот „Пролетни веселби“ се одржува по повод празникот Х’дрелез или Ѓурѓовден, кој се слави на 6-ти мај и го означува будењето на пролетта и обновувањето на вегетацијата. Фестивалот е впишан во Репрезентативната листа на УНЕСКО за нематеријално културно наследство на човештвото и турската заедница во Македонија.


⚠ Преземањето авторски текстови и фотографии е дозволено единствено доколку се почитуваат принципите за фер користење на содржина или со претходна дозвола од медиумот.

Valandovo.mk е дел од 034 Медија Груп. Покрај Valandovo.mk групацијата е издавач и на онлајн медиумите Vesti.sr, 24Gevgelija.mk, Bogdanci.mk, 24Dojran.mk и Radovis.mk.

Коментари

Login

Добредојдове! Логирајте се на вашата сметка

Запомни ме Заборавена лозинка?

Lost Password