Репрезентативецот Антонио Петровски е новиот голман на екипата на КМФ „Проект“ – Јосифово, кој ќе го брани голот во новата футсал сезона.
Тој веќе долго време е и број еден голман на Македонската футсал репрезентација.
Пред само неколку дена репрезентативците Дарко Ранготов и Мартин Тодоровски се приклучија на тимот на КМФ „Проект“, кои потпишаа договор со Претседателот на клубот – Иван Гавровски.
Екипата на КМФ „Проект“ во новата сезона ќе смета на овие двајца играчи кои имаат големо клупско и репрезентативно искуство. И Ранготов и Тодоровски имаат освоено многу поединечни и клупски награди. Минатата сезона и двајцата настапуваа за екипата на КМФ „Велес“.
