Општина Валандово објави Јавна набавка за нови 50 пластични контејнери од кои најголем дел се наменети за жителите на село Удово.
Со набавката и поставувањето на контејнерите ќе отпочне и организираното собирање на смет од ова населено место од страна на „Комунален сервис” – Валандово.
Новите пластични контејнери кои се со зафатнина од 1,1м3, општината ќе ја чинат не повеќе од 382.000 денари без данок.
Како што изјавија од Општината неколку од контејнерите ќе бидат поставени и на локации во градот Валандово каде досега недостасувале.